Prishtina sot kërkon kualifikimin në Stamboll

01.11.2017 09:24
Prishtina sot kërkon kualifikimin në Stamboll

Sigal Prishtina është në kërkim të fitores së katërt rresht në po aq ndeshje të FIBA Europe Cup, por te kampionia e Kosovës në basketboll, pranojnë se këtë herë do të jetë shumë më vështirë, shkruan sot Koha Ditore.

Sigal Prishtina të mërkurën (sot, 17:00) do të luajë në “Gazanfer Bilge Arena” të Stambollit kundër Demir Insaatit dhe me një fitore eventuale, do të konfirmonte kualifikimin në fazën e dytë të grupeve, që është edhe qëllimi i saj.

Ndeshja i takon Grupit G dhe Prishtina ka fituar tri ndeshjet e para të saj. Në dy ndeshjet e fundit mposhti Khimikun ukrainas, kurse në nismë të edicionit Belfius Mons-Hainautin në Belgjikë.