Presidenti i Bayernit kritikon ashpër Barcelonën: Nuk kam më respekt për ta

19.08.2017 16:34
Presidenti i Bayernit kritikon ashpër Barcelonën: Nuk kam më respekt për ta

Pasiguria rreth së ardhmes së futbollistit të Dortmundit, Ousmane Dembele, ka zemëruar presidentin e Bayern Munich Uli Hoeness, i cili kritikoi skuadrën e Barcelonës.

Dembele mungoi pa shpjegime në stërvitjet e Borussia Dortmundit kohët e fundit, teksa duket se po detyron klubin për ta shitur atë tek Barcelona. Por kjo ka shqetësuar Hoeness-in, i cili beson se Barcelona mund të ketë pasur një rol në këtë situatë.

“Unë nuk kam respekt për këtë klub [Barcelona], nëse ata janë prapa asaj që po ndodh me Dembelen”, tha Hoeness.

Barcelona është afër transferimit të Dembele, pasi futbollisti francez ka munguar edhe në ndeshjen e parë të Dortmundit në Bundesligë, kundër Wolfsburgut. /Insajderi.com