Lidhja Demokratike e Kosovës ka bojkotuar ceremoninë komemorative dhe ceremoninë e varrimit të veprimtarit tashmë të ndjerë, Adem Demaçit.
Ende asnjë zyrtar i LDK-së nuk ka treguar pse është ky bojkot ndaj ceremonive për veprimtarin Demaçi.
Përveç që gjatë ditës së djeshme, një zyrtari i kësaj partie, Besim Hoti ka ofenduar rëndë të njerin Demaç, deputeti Naser Rugova i cili fillimisht e kishte pëlqyer këtë postim, e ka bërë një postim tjetër të çuditshëm në profilin e tij në Facebook.
“Dijetar, vizionar, intelektual shumëdimensional, humanist, burrështetas urtak, i pathyeshëm, i pakrahasueshëm, baba themeltar i shtetit të Kosovës! Unikatin nuk e zëvëndeson asnjë kopje!”, është përshkrimi që i ka përcjellur fotografisë së Presidentit Ibrahim Rugova.
