Policia intervistoi deputeten Time Kadrijaj për hedhjen e gazit lotsjellës në Kuvend

24.11.2017 12:01
Policia intervistoi deputeten Time Kadrijaj për hedhjen e gazit lotsjellës në Kuvend

Deputetja e AAK-së, Time Kadrijaj është intervistuar sot nga Policia e Kosovës për çështjen e hedhjes së gazit lotsjellës në Kuvendin e Kosovës.

Lajmin për Telegrafin e ka konfirmuar vetë deputetja Kadrijaj.

“Sot në orën 10:00 isha në intervistë në stacionin e policisë afër ambasadës Zvicerane, çështja ka qenë pengimi i personave zyrtarë në kryerjen e detyrës zyrtare, unë e dhashë intervistën dhe u zotova se çdo herë do ti përgjigjem drejtësisë në ftesat që do i bëjë”, ka thënë Kadrijaj.

Ajo ka theksuar se vazhdojnë t’i kundërshtojnë marrëveshjet e dëmshme konfrom veprimeve që i kanë bërë mandatin e kaluar, duke shtuar se ftesave të policisë dhe gjykatës do t’u përgjigjet rregullisht.

Ndërkaq sot paradite policia ka arrestuar për këtë çështje, tre deputetët e Lëvizje Vetëvendosje, Albin Kurtin, Donika Kadaj-Bujupin dhe Albulena Haxhiun.