Paul Pogba e ka deklaruar vazhdimisht se ëndrra e tij është që një ditë ta fitojë “Topin e Artë”. Megjithatë, për trajnerin e tij te kombëtarja e Francës, Didier Deschamps, kjo nuk ka për të ndodhur kurrë.
“Paul është mesfushor, ndërsa ‘Topi i Artë’ u jepet sulmuesve ose numrave 10, me përjashtime të rralla. Këta janë lojtarë që shënojnë një mal me gola, kurse Pogba e bën ndonjë, por jo dy-tre për ndeshje. Nuk është kjo detyra e tij”, u shpreh tekniku për “RMC”.
Në fakt, ky mendim është i njëjtë me atë të shprehur disa muaj më parë nga trajneri tjetër i mesfushorit, Jose Mourinho.
“Kur flitet për lojtarët më të mirë në botë, mendja shkon menjëherë tek ata që shënojnë shumë. Në 2006-n Kanavaro triumfoi vetëm se ishte kapiten i Italisë kampione bote dhe se nuk kishte fenomene si sot. Maldini nuk e ka fituar, as Zaneti””, ka thënë portugezi.
“Pogba nuk mund të shënojë kurrë aq sa Ronaldo e Mesi. Nuk mund të arrijë dot as çerekun. Po flasim për një ndër mesfushorët më të mirë në botë, por në një sezon të vetëm vështirë të arrijë kuotën e 20 golave”
