Pesë të arrestuar për shpërthimin në Brooklyn

19.09.2016 22:23
Pesë të arrestuar për shpërthimin në Brooklyn

FBI ka arrestuar pesë vetë në Brooklyn, që mund të kenë lidhje me shpërthimin e një nate më parë në Manhattan.

Të dyshuarit janë kapur përgjatë autostradës Belt Parkway, me një tufë armësh në makinën e tyre. Ndërkohë, autoritetet kanë zbuluar edhe tri bomba artizanale në stacionin e trenit në Elizabeth, New Jersey.

I gjithë rrjeti verilindor i trenave do të ketë vonesa për shkak se policia po heton të gjithë korridorin që nga Aeroporti “Newark”.
Arrestimet pra kanë ndodhur gati brenda 24 orësh pas shpërthimit në lagjen Chelsea, në rrugën West 23rd, ku u plagosën shumë vetë (pamje nga fotografia më sipër) dhe pas gjetjes së një bombe artizanale me tenxhere presioni, katër blloqe më larg.

Nuk ka për momentin njoftim për identitetin dhe motivin e të arrestuarve apo nëse bombat e gjetura kanë lidhje me njëra tjetrën. /illyriapress.com