Për balotazh të drejtë vote kanë 1 milion e 353 mijë e 613 votues

18.11.2017 10:04
Për balotazh të drejtë vote kanë 1 milion e 353 mijë e 613 votues

Fushata 5-ditore për raundin e dytë të zgjedhjeve lokale në Kosovë është mbyllur. Të dhënat zyrtare të KQZ-së bëjnë të ditur se gjatë kësaj periudhe janë mbajtur 260 tubime elektorale, pa ato të ditës së fundit të fushatës.

Në 19 komuna të Kosovës, në balotazh do të përballen 38 kandidatë për kryetarë komunash.

Në zgjedhjet e së dielës, sipas KQZ-së, të drejtë vote kanë 1 milion e 353 mijë e 613 votues. Ditën e votimit, do të jenë të hapura 614 Qendra të Votimit me 1.777 vendvotime, shkruan sot Koha Ditore.

Valmir Elezi, zëdhënës i KQZ-së, ka bërë të ditur për “Koha Ditore”, se këtë radhë ky organ do të jetë më i shpejtë me numërimin dhe se rezultatet e para pritet të publikohen ndërmjet orës 20:00 e 21:00.