Shefi i grupit parlamentar të LDK-së dhe ish-nënkryetari i komunës së Prishtinës, Avdullah Hoti ka thënë se ligji për Prishtinën, i cili u miratua të premten në Qeveri, tash do të ishte në fuqi sikur Vetëvendosje e PDK mos të bëheshin bashkë për rrëzimin e Qeverisë.
Hoti ka thumbuar kryetarin e Prishtinës, Shpend Ahetin, Hoti ka thënë se mungesa e ligjit për Prishtinën nuk ka qenë pengesë për ndërtimin e shkollave, qendrave mjekësore dhe sallave sportive.
“Sikur VV të mos bëhej bashkë me PDK për ta rrëzuar Qeverinë, ligji për Prishtinën do të ishte tashmë në fuqi, dhe buxheti i Komunës së Prishtinës do të planifikohej dhe aprovohej sipas ligjit të ri.”
“Ligji është i nevojshëm, pa dyshim. Ligji hap perspektivë të mirë për Prishtinën. Por, mungesa e ligjit nuk e ka ndaluar askënd të mos e ndërtoj asnjë shkollë, asnjë qendër mjekësore, asnjë sallë sportive. Të mos e pastrojë qytetin, të mos aprovoj planet detale rregulluese për lagje”.
“Ligji do të rrisë buxhetin e Prishtinës, por mungesa e ligjit nuk është arsye pse te hyrat vetanake të Prishtinës kanë rënë me miliona euro”, ka thënë Hoti.