Pesë veta thyen derën e hynë në një lokal, rreth orës 4 të mëngjesit të së hënës.
Përveç maskave ata ishin edhe të armatosur.
E kjo bëri që pronari i lokalit që shet pjesë të automobilave në Prishtinë të mos mërzitet fort për dëmet e materialet e vjedhura pasi sipas tij mund të kishte ndodhur edhe më keq.
Krejt aksioni i grabitësve është kapur nga kamerat e sigurisë, të cilat i posedon edhe Klan Kosova.
Se çka ndodhi mëngjesin e së hënës në lokalin e tij tregon edhe vet pronari i cili deshi të mbetet anonim.
“Është e rëndësishme që nuk ka pas njerëz në ato momente sepse do të kishin mundur edhe ta pësoi me jetë”, ka thënë pronari i këtij lokali.
