Pacolli sqaron përse ishte në Vatikan krah për krah me Thaçin e Mustafën

10.09.2016 17:58

Ish-Presidenti Behgjet Pacolli ka sqaruar se ishte pjesë e delegacionit të Republikës së Kosovës gjatë vizitës në Vatikan me rastin e shenjtërimit të Nënës Terezë. Ka thënë se para botës i gjithë spektri politik i Kosovës duhet të tregohet i bashkuar.

Pacolli sqaron përse ishte në Vatikan krah për krah me Thaçin e Mustafën

“Unë kam qenë pjese e delegacionit te Republikës se Kosovës dhe si i tille, për mua Kosova është mbi të gjitha”, ka shkruar Pacolli në Facebook, duke iu përgjigjur një qytetari i cili e pyeste se pse ishte afër Thaçit e Mustafës në Vatikan.

 

“Unë jam ai qe jam,para botes Kosova duhet te jetë kompakte e unike. Përcaktimet e brendshme politike i takojnë Kosovës por jo komunitetit ndërkombëtare”, ka shtuar Pacolli.

Behgjet Pacolli, aktualisht, është Kryetar i AKR’së derisa partia e tij udhëheq me dy prej komunave kryesore në Kosovë – Mitrovicën e Gjakovën. Në zgjedhjet e fundit nacionale s’kishte arritur të bëhej pjesë e Parlamentit, pasi partia e tij s’e kaloi pragun zgjedhor. /Insajderi.com