Pacientja me copëz të xhamit në sy pret doktorin 40 minuta në Prizren [video]

26.03.2017 23:11
Pacientja me copëz të xhamit në sy pret doktorin 40 minuta në Prizren [video]

Në Spitalin e Syve në Prizren, një paciente ka pritur afro 40 minuta me copëz të xhamit në sy doktorin që nuk gjendej në vendin e punës.

Fillimisht sipas përshkrimit të të birit V.K. të pacientes, ai kishte kërkuar ndihmë në Qendrën Emergjente të qytetin prej ku i kanë dhënë udhëzimin për në Spitalin e Syve, njofton Klan Kosova.

Ai ka thënë për klankosova.tv se kur kishte kërkuar ndihmë, aty nuk gjendej mjeku kujdestar dhe se është dashtë të pritej për 40 minuta edhe pse gjendja e syrit të pacientes (nënës së tij) ka qenë e rëndë.

Për rastin si ka thënë se ka njoftuar edhe policinë në Prizren.

Për më tepër ka dërguar edhe një video që përshkruan më së miri situatën, tek sa i drejtohet i frustruar doktorit kujdestar, që thotë se u vonua për atë kohë derisa po vishej.

https://www.youtube.com/watch?v=QlB2CRL56NM