Deputetja e Lidhjes Demokratike të Kosovës, Vjosa Osmani, duke komentuar deklaratat e deputetëve të opozitës se po votojnë marrëveshje me fusnotë, ka thënë se nëse projektligji për ratifikimin e marrëveshjes lidhur me themelimin e Fondit të Ballkanit Perëndimor, nuk votohet, atëherë Kosova izolohet nga nismat rajonale.
Ajo ka sqaruar se në kohën kur është miratuar fusnota, LDK ka qenë në opozitë dhe nuk ka përkrahur marrëveshjen për fusnotë. Osmani shtoi se kjo është marrëveshja e dytë në Kuvendin e Kosovës që është me fusnot.
“Nëse nuk votohet kjo marrëveshje, alternativa tjetër do të jetë izolimi i Kosovës në këto nisma”, ka thënë Osmani.
Më tutje Osmani ka thënë se LDK-ja nuk e ka përkrahur marrëveshjen për fusnotën.
“Në kohën kur LDK ka qenë në opozitë nuk ka qenë pro marrëveshjes me fusnotë, nuk është e vërtetë që e ka përkrahur”, ka thënë Osmani./Insajderi.com
