Përderisa njerëzit ndonjëherë për luks blejnë mango dhe mana, ndërsa ditë të tjera nga fundi i muajit mbeten me banane dhe molla, japonezët po blejnë pjeprin i cili kushton po aq sa një automobil i ri.
Ky pjepër specifik është i quajtur “Mbreti Yubari” dhe është kryqëzim mes dy llojeve të familjes së pjeprave të quajtur kantalupe. Dhe ky lloj i pjeprit rritet vetëm në një regjion të caktuar, me ç’rast ka ardhur edhe emri Yubari, shkruan Independent.
Dy pjepra “Premium” si i quajnë atje, janë shitur në një ankand për gati 29,000 euro. Dhe kjo është gati 15,000 euro për secilin pjepër.
Arsyeja pse pjepri “Mbreti Yubari” është kaq i shtrenjtë, thuhet se është në shijen e tij të ëmbël, raporton The Independent.
Sidoqoftë, ky është një rekord i ri për shitjen e këtij pjepri, pasi më parë janë blerë për maksimum 21,000 euro.
Normalisht këta pjepra kushtojnë mes 40 dhe 90 eurove, çmim i cili edhe pse shumë më i ulët, prapë mbetet një shumë enorme e paguar për një frutë të vetëm.
Por kjo nuk është hera e vetme kur japonezët kanë shpenzuar shumë për fruta.
Një herë vetëm një dredhëz është shitur për 20 euro, dhe një vile rrushi për 9000 euro. /Insajderi.com