Gjykata Themelore në Gjilan ia ka caktuar një muaj paraburgim të miturit G. G. me kërkesë të Prokurorisë.
I mituri ditë më parë qëllimisht kishte hyrë në xhaminë e një fshati dhe duke hapur kasafortën prej të cilës kishte marrë 400 euro.
“I mituri shqiptar, shtetas i Republikës së Kosovës me vendbanim në Komunën e Drenasit, dyshohet se ditë më parë me dashje, me anë të përdorimit të forcës ka hapur kasafortën e xhamisë në fshatin Malishevë e Poshtme, Komuna e Gjilanit, duke i marr shumën prej katërqind (400) Euro nga kjo kasafortë”, thuhet në njoftimin e Gjykatës.
Sipas Gjykatës, me këtë veprime i mituri dyshohet se ka kryer veprën penale vjedhje e rëndë. Palët kanë të drejtën e ankesës ndaj këtij vendimi në Gjykatën e Apelit./Insajderi.com
