Në fshatin Badovc të komunës së Graçanicës, dje në ora 20:30 është regjistruar një aksident trafiku me të lënduar.
“Është arrestuar i dyshuari mashkull shqiptar, pasi që i njëjti gjersa ishte duke drejtuar veturën e tij nga pakujdesia ka goditur viktimën mashkull shqiptar (këmbësor) duke i shkaktuar lëndime të rënda trupore”, thuhet në raportin e policisë.
Viktima është dërguar për trajtim mjekësor në QKUK ndërsa i dyshuari me vendim të prokurorit është dërguar në mbajtje.
