Real Madrid është bërë skuadra e parë në historinë e Champions League që e ka fituar këtë kompeticion dy vite radhazi. Por finalja e luajtur në “Millennium Stadium” ka dhuruar disa statistika të tjera interesante.
3 – Buffon është bërë lojtari i tretë më i vjetër që ka luajtur në një finale të ish-Kupës së Kampionëve/Champions League (39 vjeç, 126 ditë), pas Zoff dhe Van Der Sar.
30 – Juventus ka luajtur me formacionin e dytë më të vjetër në një finale të Champions League (30 vjeç, 336 ditë), pas atij të Milan-it në 2007-ën (31, 35 ditë).
3 – Mandzukic është bërë lojtari i tretë që shënon me dy klube të ndryshëm në një finale të ish-Kupës së Kampionëve/Champions League pas Vasovic dhe Cristiano Ronaldo.
1 – Real Madrid ka zhbllokuar ndeshjen me të vetmen gjuajtje në portë që ka bërë në pjesën e parë.
4 – Golat e pësuar nga Juventus në finale kanë qenë më shumë se ata të pësuar në gjithë edicionin e Champions League 2016/17.
600 – Cristiano Ronaldo ka realizuar 600 gola në karrierën e tij si profesionist në ndeshjet e luajtura me klubin dhe kombëtaren.
500 – Real Madrid është bërë skuadra e parë që ka realizuar 500 gola në historinë e Champions League./Telesport.al
