Teksa kishin mbetur edhe më shumë se gjashtë orë deri tek hapja e dyerve për koncertin e Dua Lipës, dhjetra adhurues të këngëtares janë duke pritur para dyerve të sallës Afas në Amsterdam.
Të strukur nën çadra, për shkak të reshjeve të shiut në kryeqytetin e Holdandës, adhuruesit e këngëtares shqiptare po prisnin për fillimin e koncertit.
Siç shkruan mediumi holandez Parool, arsyeja pse fansat e këngëtares po prisnin në radhë para fillimit të koncertit është jo shumë e zakonshme.
Ata duan që të fitojnë radhët e para në koncertin e Dua Lipës, që ta shohin nga afër shqiptaren.
Dua Lipa ka filluar një turne evropian të koncerteve. Dy netë më parë, Lipa performoi në Antwerp të Belgjikës. /Insajderi.com
