Sivjet numri i përgjithshëm i migrantëve të cilët janë nisur kah Evropa u rrit në 1.586 vetëm në Mesdhe.
Njëzetenjë trupa, për të cilët besohet se janë të refugjatëve të cilët kanë pësuar gjatë tentimit të arrijnë në Spanjë, kanë dalë këtë muaj në brigjet e Detit Mesdhe, ka kumtuar të premten agjencia e Kombeve të Bashkuara për Refugjatë, transmeton Reuters.
Me këtë numri i të vdekurve sivjet në Detin Mesdhe është rritur në 1.586.
Mbetjet mortore të gjashtë afrikanëve subsaharë janë gjetur më 4 shtator në bregun në afërsi të Marse Ben Mhindi, në provincën algjeriane Tlemsen, rreth 200 kilometra nga bregu i Spanjës.
Të nesërmen janë gjetur edhe katër trupa në plazhin fqinj Saida, përballë kufirit me Marokun.
Mbetjet e gjashtë refugjatëve, duke përfshirë dy gra dhe një fëmijë, janë gjetur më 10 shtator në Driuch, në afërsi të Nadoras në Marok.
Trupi i një gruaje është gjetur në plazhin Las Salinas në Almeri më 11 shtator, ndërsa dy ditë më vonë trupin e një afrikanit subsahar e kanë gjetur peshkatarët në afërsi të Almadrabas./Insajderi.com.