Ndryshime në shortin Shkëndija – Milan

04.08.2017 19:17
Ndryshime në shortin Shkëndija – Milan

Dueli i parë Milan – Shkëndija luhet fillimisht në San Siro më 17 gusht, ndërsa takimi i kthimit do të zhvillohet më 24 gusht në “Telekom Arena” në Shkup.

UEFA ndryshon terminët për shkak të përputhjes së terminit me ndeshjen Vardari-Fenerbahçe.

Pas hedhjes së shortit për fazën e play offit të UEFA Europa League, Komisioni për Gara në një mbledhje plotësuese ka vendosur të ndryshojë terminët paraprake, raporton klubi nga Tetova përmes uebfaqes së vet zyrtare.

Pasi që dy përfaqësues nga Maqedonia pjesëmarrës në play off në short rezultuan të luajnë ndeshjen e parë si vendas dhe ndërkohë që stadiumi i vetëm që plotëson kushtet për këtë nivel garash është “Telekom Arena” në Shkup, Komisioni për Gara pranë UEFA-së vendosi të ndryshojë terminët.

Kështu klubi njoftohet se ndeshjen e parë më gjigandin italian do ta zhvillojë më 17 gusht në stadiumin “San Siro” në Milano, ndërsa ndeshja e dytë në Shkup në program do të jetë më 24 gusht.