Ndëshkohet futbollisti i parë nga teknologjia

23.09.2016 11:03
Ndëshkohet futbollisti i parë nga teknologjia

 

Mesfushori i skuadrës holandeze Willem Tilburg, Anouar Kali bëhet futbollisti i parë në Holandë që ndëshkohet nga teknologjia.

Gjatë ndeshjes së kupës mes Willem dhe Ajaksit, 25 vjeçari bëri një ndërhyrje të rëndë ndaj lojtarit të Ajaksit dhe për këtë gjyqtari i ndeshjes e ndëshkoi me karton të verdhë.

Por vendimi i tij ndryshoi pak sekonda më pas fal ndërhyrjes se arbitrit te 4, i cili pasi e kishte parë rastin në moviolë këshilloi gjyqtarin kryesor të ndryshonte ngjyrën e kartonit nga të verdhe në të kuqe, shkruan TCh.

Kjo është hera e parë që pamjet filmike ndryshojnë vendimin e një arbitri gjatë një ndeshjeje. Pas ndeshjes drejtuesit e Federatës Holandeze të Futbollit, pohuan se teknologjia do të vazhdoje të testohet në ndeshjet e tjera të kupës së Holandës.