Në qarkun Ayvalik, të provincës turke Balikeshir, janë kapur 126 migrantë të cilët kishin tentuar me gomone të futen në territorin e Greqisë, në ishullin Lesbos, raporton Anadolu Agency (AA).
Gazetari i AA-së ka mësuar se Roja bregdetare turke kishte vërejtur grupin e parë prej 60 personash, në mesin e të cilëve ka pasur gra dhe fëmijë, në hapësirën detare Badavuta.
Krahas kësaj, 66 migrantë tjerë me origjinë nga Siria u përpoqën të kalonin në mënyrë të paligjshme në ishullin grek Lesbos duke përdorur të njëjtën hapësirë detare.
Të gjithë 126 migrantët, i janë dorëzuar autoriteteve kompetente të cilët më vonë do ti dërgojnë në qendrën për migrantë në Balikeshir.