Mytaher Haskuka flet për videot e publikuara nga PDK-ja për manipulim votash

30.11.2017 15:16
Mytaher Haskuka flet për videot e publikuara nga PDK-ja për manipulim votash

Kandidati i Vetëvendosjes për kryetar të Prizrenit, Mytaher Haskuka, ka folur rreth videove të publikuar nga PDK-ja, e cila pretendon se aty janë manipuluar votat nga Vetëvendosje.

“Argatët e Klanit Pronto, Blerand Stavileci dhe Kujtim Gashi vazhdojnë me shpifjet duke u munduar me e arsyetu humbjen para shefave të tyre”, ka shkruar ndër tjera ai në Facebook.

Ai ka thënë se PDK-ja nuk kishte asnjë vërejtje gjatë ditës së zgjedhjeve përderisa aty i kishte komisionerët dhe vëzhguesit.

Postimii plotë i tij:

Argatët e Klanit Pronto, Blerand Stavileci dhe Kujtim Gashi vazhdojnë me shpifjet duke u munduar me e arsyetu humbjen para shefave të tyre.

Shumë pare kanë dhanë me ble vota e me manipulu me procesin zgjedhor në Prizren po prapë humbën. Kanë përdor të gjitha mekanizmat shtetnore, bile i dënuan aktivistët pa prova vetëm me ndiku në procesin zgjedhor por prapë e humbën “Jerusalemin” e tyre. Tash veç propaganda e shpifja ju ka mbet.

Të përkujtoj Blerandin e Kujtimin që ata në ditën e zgjedhjeve nuk kanë pas asnjë vërejtje edhe pse në çdo vendvotim i kanë pas minimum nga 5 komisioner nga koalicioni PDK dhe nga 4 vëzhgues. Tash si humbës që janë, shpifin e kërcënojnë vëzhgues duke bërë vepra penale”.

Haskuka statusit të tij në Facebook ia ka bashkangjitur një foto me mbishkrimin “Këta në foto duke festuar që ju hekëm prej pushteti.