Qendërsulmuesi i kombëtares spanjolle dhe Real Madritit, Alvaro Morata ka thënë se ndeshjet ndaj Shqipërisë dhe Italisë do të jenë ndeshjet më të vështira.
“Ndeshjet që do të luajmë jashtë ndaj Shqipërisë dhe Italisë janë më të vështirat që kemi në grup dhe duhen fituar me patjetër”, ka thënë Morata në një intervistë për gazetën spanjolle “AS”.
Ndeshja Shqipëri-Spanjë do të luhet në datën 9 tetor të këtij viti.
Shqipëria ndodhet në grupin G të eliminatoreve të Botërorit 2018, së bashku me Spanjën, Italinë, Izraelin, Maqedoninë dhe Lihtenshtejnin. Pas ndeshjeve të para të grupit, Shqipëria, Italia dhe Spanja kryesojnë me 3 pikë, pasi fituan respektivisht ndaj Maqedonisë, Izraelit dhe Lihtenshtejnit. /Insajderi.com
