Ministrja serbe thotë se Serbia ka dërguar faktet shtesë për Haradinajn

02.03.2017 16:43
Ministrja serbe thotë se Serbia ka dërguar faktet shtesë për Haradinajn

Ministrja serbe e Drejtësisë para disa ditësh i ka dërguar gjykatës franceze në Colmar “prova shtesë” kundër Ramush Haradinajt në më shumë se 100 faqe, si dhe aktakuzë e Tribunalit të Hagës, në mënyrë që të tregojë se “Haradinaj në Serbi nuk ngarkohet me të njëjta vepra për të cilat më herët është liruar nga Tribunali i Hagës”.

Këtë e ka thënë ministrja serbe e Drejtësisë, Nela Kaludra.

Ajo në një deklaratë për Tanjug tha se në dokumentacionin shtesë gjenden dëshmitë e dëshmitarëve dhe raporti i Ministrisë së Punëve të Brendshme, postës ushtarake dhe raportet nga terreni.

Sot, Gjykata e Apelit në Colmar të Francës e ka shtyre vendimin për Haradinajn deri më 6 prill, me arsyetimin se ka kërkuar dokumente shtesë nga Serbia për ekstradimin e ish kryeministrit të Kosovës.

Një vendim i tillë ka nxitur reagime të ashpra në Kosovë. Haradinaj është arrestuar më 4 janar në aeroportin e Baselit, nga autoritetet franceze.