Ministri i Drejtësisë deklarohet për rastin Lumezi

03.11.2017 12:45
Ministri i Drejtësisë deklarohet për rastin Lumezi

Ministri i Drejtësisë, Abelard Tahiri, ka folur rreth çështjes së dyshimeve për manipulimin e provimit të jurisprudencës nga ana e kryeprokurorit të shtetit, Aleksander Lumezi, i cili është propozuar si kryetar i Komisionit për dhënien e provimit të jurisprudencës nga Ministria e Drejtësisë.

Ministri deklaroi se ka kërkuar edhe nga EULEX-i që ky proces të monitorohet nga afër, në mënyre që të largohet çdo dyshim rreth çështjes së provimit të jurisprudencës ana e kryeprokurorit.

Tutje ai shtoi që në asnjë mënyrë nuk do t’i vë në lajthitje deputetët pasi që ky komision duhet të votohet në Kuvend.

Sipas tij, procesi i këtij Komisioni është në procedurë e cila do të zgjasë një kohë, pasi që duhet të kalojë në procedurë kuvendare.

Deri sa të përfundojnë këto procedura Tahiri, ka thënë se pret që të sqarohet edhe çështja e ngritur rreth dyshimeve për manipulimit të këtij provimi nga ana kryeprokurorit të shtetit, njofton Klan Kosova.