Miliona euro për kontrata mbi vepër

26.09.2016 10:38
Miliona euro për kontrata mbi vepër

Në fund të vitit 2015, sipas një raporti të Auditorit të Përgjithshëm të publikuar ditë më parë, shihet se në të gjitha komunat e Kosovës kanë qenë të punësuar 1029 punëtorë me kontrata mbi vepër, për pagat e të cilëve janë shpenzuar rreth 1.7 milion euro.

Bazuar në raportin e Auditorit, shihet se Komuna e Prishtinës prinë me numër të të punësuarve me kontrata mbi vepër ku në fund të vitit 2015 në këtë mënyrë i kanë pasur të punësuar 276 punëtorë.

Pas Prishtinës, prinë Komuna e Gjilanit me 126 punëtorë, Komuna e Prizrenit me 119 punëtorë, Komuna e Pejës me 67 punëtorë, Komuna e Ferizajt me 52 punëtorë, Komuna e Gjakovës me 46 punëtorë, Komuna e Suharekës me 37 punëtorë, Komuna e Rahovecit me 36 punëtorë, Komuna e Podujevës me 33 punëtorë, Komuna e Obiliqit me 32 punëtorë, ndërkaq komunat tjera kanë numër më të vogël të të punësuarve në këtë mënyrë./Zëri.