Messi i hapur për bisedime me Manchester Cityn

24.08.2017 09:06
Messi i hapur për bisedime me Manchester Cityn

Babai i Lionel Messit, Jorge, është i hapur për bisedime me Manchester Cityn, që argjentinasi të kalojë në Angli në vitin 2018.

Lajmin e jep The Sun, që e lidh me mos nënshkrimin e kontratës së re dhe në vitin e ardhshëm do të jetë lojtar i lirë.=

Messi pritej ta nënshkruante kontratën e re këtë verë që do t’ia zgjaste qëndrimin e tij deri në vitin 2021 në Camp Nou.

Marrëveshja mes Messit dhe Barcelonës ishte arritur, por ende nuk është nënshkruar.

Nëse marrëveshja nuk nënshkruhet, argjentinasi do të jetë lojtar i lirë në verën e ardhshme.

Sipas mediumit anglez babai i Messit vetëm ka biseduar me trajnerin e Manchester Cityt,  Pep Guardiola, dhe drejtorin Txiki Begiristain, që i njeh prej një kohe të gjatë.