Mediat gjermane shkruajnë se sulmin ndaj Borussia Dortmundit e ka krye organizata terroriste, ISIS.
Policia gjermane ka dalë në një konferencë për shtyp pas shpërthimeve që ndodhën në afërsi të autobusit të Borussia Dortmundit para ndeshjes kundër Monacos në Ligën e Kampionëve.
Ata kanë bërë të ditur se kanë gjetur një letër në afërsi të skenës së krimit dhe po përpiqen që ta vërtetojnë përmbajtjen e saj, të cilën nuk e kanë bërë publike.
Kurse, sipas mediave gjermane, letra përmbante shkrimin “Në emër të Allahut, Mëshiruesit, Mëshirë-bërësit”, por nuk jepen detaje të tjera.
Sipas mediave gjermane dyshohet se sulmi është kryer nga të ashtuquajturit Shteti Islamin.
Ekipi i Borussia Dortmundit derisa po udhëtonte nga hoteli në drejtim të stadiumit “Signal Iduna Park” është tronditur pas shpërthimit të tri bombave.
Nga ky shpërthim më së keqi e ka pësuar mbrojtësi spanjoll, Marc Bartra, i cili iu nënshtrua një operacioni në dorë, derisa ndeshja mes Dortmundit dhe Monacos është shtyrë për sonte.