Komisioni Republikan i Zgjedhjeve i Serbisë (RIK) ka vendosur që t’i organizojë 21 qendra votimi me 90 vendvotime në Kosovë për zgjedhjet presidenciale të Serbisë që mbahen më 2 prill 2017.
Lista Serbe ka siguruar se shtetësia e dyfishtë u jep të drejtë serbëve të Kosovës të votojnë për zgjedhjet presidenciale të Serbisë edhe në Kosovë.
Vendimi për organizimin e qendrave të votimit në Kosovë do të vlejë deri atëherë kur vlerësimi për sigurinë të mund të lejojë që zgjedhjet të organizohen edhe në Kosovë.
Lista Serbe ka siguruar se zgjedhjet për president të Serbisë do të mbahen edhe në Kosovës.
Sllavko Simiq, kryetar i Listës Serbe, ka thënë se nuk ka asnjë arsye që zgjedhjet për president të Serbisë të mos mbahen edhe në Kosovë, ashtu siç ka ndodhur edhe në zgjedhjet tjera më përpara, shkruan gazeta “Zëri“.
Sipas Listës Serbe, për dallim nga Serbia, në Kosovë organizimin e zgjedhjeve e bën OSBE-ja, e cila është një “servis” i RIK-ut të Serbisë.
Në Komisionin Republikan Zgjedhor të Serbisë u kanë thënë medieve në Beograd se teknikisht është gjithçka gati për organizimin e zgjedhjeve edhe në Kosovë.
Lista Serbe siguron se shtetësia e dyfishtë u jep të drejtë serbëve të Kosovës të votojnë për zgjedhjet presidenciale të Serbisë.
