Mashtrimi i madh i ditarëve të Adolf Hitlerit

12.10.2017 20:15
Mashtrimi i madh i ditarëve të Adolf Hitlerit

Në prill të vitit 1945, një avion u rrëzua pranë Dresdenit. Nga rrënojat, një kopje e librave u shpëtua dhe u fsheh. Për dekada me radhë, këto libra, të mbushura me dorëshkrime humbën. Pastaj një gazetar në revistën “Stern”, i gjurmoi dhe i zbuloi. Gjashtëdhjetë e dy libra që përmbanin ditarë personalë të Hitlerit ishin gjetur!

Gazetat në mbarë botën blenë të drejtat për serializimin e ditarëve, të cilët u tha se hidhnin dritë të re mbi regjimin nazist. Hugh Trevor-Roper, një ekspert mbi historinë e Hitlerit, u dërgua në Gjermani për të shqyrtuar shënimet. Ai i shpalli të saktë.

Librat ishin shkruar në shkrimin e vjetër gotik gjerman, dhe përputheshin me dorëshkrimet e Hitlerit. Trevor-Roper e gjeti bindës banalitetin e përmbajtjes së tyre. Hitleri kishte shkruar për betejat e tij plot me fryrje.

Sapo Stern ia dorëzoi librat ekspertëve të tjerë, ata u zbuluan shpejt si falsifikime. Kishte pasur një aksident në avion, por këto libra nuk kishin qenë kurrë në bord.

Boja e përdorur ishte moderne, dhe letra ishte e vjetëruar me çaj, për ta bërë ngjyrë kafe. Shkrimi ishte i mbushur me fraza moderne. Ndoshta më së shumti, falsifikuesi Konrad Kujau kishte gabuar gotiken “F” në kapak, me një “A”, duke e bërë të duket se ditari ishte shkruar nga F. Hitler.