Marrëveshje e kryer: Barcelona transferon mesfushorin brazilian

12.08.2017 15:55
Marrëveshje e kryer: Barcelona transferon mesfushorin brazilian

Barcelona ka paguar klauzolën prej 40 milionë eurove për të transferuar mesfushorin brazilian Paulinho, nga skuadra kineze Guangzhou Evergrande.

Siç raporton mediumi brazilian Globo Sporte, transferimi i ish-futbollistit të Tottenhamit tek Barcelona tashmë është çështje e kryer.

Skuadra katalanase ka qenë e interesuar për mesfushorin që prej hapjes së afatit kalimtar veror, mirëpo synimi kryesor i Barcelonës kishte qenë mesfushori i Paris Saint-Germain, Marco Verratti.

Por, PSG i mbylli derën Barcelonës për transferimin e italianit.

E plani B i katalanasve mbeti Paulinho. Ai pritet t’i bashkohet skuadrës nga La Liga spanjolle brenda ditëve të ardhshme. /Insajderi.com