Makina shtyp tre studentë në Francë

10.11.2017 19:57
Makina shtyp tre studentë në Francë

Një automjet ka përplasur qëllimisht disa kalimtarë në një zonë të qytetit të Toulouse në Francë.

Sipas policisë, nga kjo ngjarje 3 studentë janë plagosur, dy prej të cilëve janë në gjendje të rëndë.

Incidenti ka ndodhur në afërsi të një shkolle të mesme pasditen e së premtes.

Mediat franceze shkruajnë se drejtuesi i mjetit është arrestuar menjëherë nga policia. Mësohet se 28-vjeçari ka pranuar krimin.

“Le Figaro”, shkruan se autori ishte i njohur për autoritetet. Kjo media bënë me dije se 28-vjeçari është me origjinë aziatike.

Dyshohet se ai mund të vuajë nga çrregullime psikologjike. Policia e Toulouse ka hapur një hetim për incidentin.