Lojtarët e “Shkendijës” shpresojnë për fitore ndaj Milanit

16.08.2017 12:17
Lojtarët e “Shkendijës” shpresojnë për fitore ndaj Milanit

Lojtarët e Shkëndijës së Tetovës sot kanë dalë në konferencë për shtyp para gazetarëve të Maqedonisë ku kanë thënë se shpresojnë në fitore apo një rezultat të mirë ndaj Milanit, njofton Telegrafi.

Portieri i ekipit, Konstadin Zahov para gazetarëve tha se janë të vetëdijshëm se loja është e rëndë por ata janë përgatitur për këtë ndeshje të madhe. Zahov tha se Shkëndija nuk është në Milano me flamur të bardhë.
”Do të jemi të gjithë në nivel dhe do të japim maksimumin tonë për të nxjerrë një rezultat pozitiv.” përfundoi Zahov.

Mesfushori Armend Alimi tha në konferencë se e dinë për kualitetet e kundërshtarit pasi kanë parë disa nga ndeshjet e fundit. ”Ne jemi këtu që të bëjmë lojën tonë, atë që dijmë të bëjmë më së mirë. Kemi kualitet për paraqitje dinjitoze kundrejt Milanit.” tha Alimi.

Mbrojtësi Ardian Cuculi nga ana tjetër tha se është një lojë e vështirë. Këtë herë ata veçse e dinë se si është të luhet në rrethin e katër të Europa League dhe do të shfrytëzohet edhe përvoja e vitit të kaluar.
”Ne në Milano kemi ardhë të prezentojmë sa më mirë futbollin tonë dhe të vendit tonë. Do të bëjmë lojën tonë dhe të shpresojmë për një rezultat të mirë.” përfundoi Cuculi.

Përndryshe, sonte klubi tetovar e ka seancën e treningut në San Siro e pastaj do të jetë pres konferenca zyrtare edhe me gazetarë italianë.

Konferenca e plotë e lojtarëve të KF Shkëndija në Milano para ndeshjes së madhe me A.C. MilanMë shumë: https://goo.gl/udQm8b

Telegrafi Sport paylaştı: 16 Ağustos 2017 Çarşamba