Lekaj: Komision i ri për rinegocim të Demarkacionit

07.09.2016 08:13

Shefi i Grupit parlamentar të Aleancës për Ardhmërinë e Kosovës, Pal Lekaj, ka thënë se opozita nuk ndien asnjë përgjegjësi nëse shkaku i demarkacionit me Malin e Zi shtyhet liberalizimi i vizave.

Lekaj: Komision i ri për rinegocim të Demarkacionit

Nëse kjo ndodh, Lekaj ka thënë se përgjegjësia bie mbi Qeverinë, e cila, sipas tij, i ka dy të tretat e votave.

Në një intervistë për “Epokën e re”, Lekaj ka thënë se AAK-ja do të ndiente përgjegjësi vetëm në rast se do ta përkrahte ndonjë marrëveshje që i cenon interesat e Kosovës.

Ai ka thënë se liberalizimi i vizave vështirë se do të ndodhë derisa nuk luftohen krimi i organizuar dhe korrupsioni.

Shefi i GP të AAK-së, i ka bërë thirrje Qeverisë ta pranojë gabimin që ka bërë për demarkacionin me Malin e Zi, duke kërkuar formimin e një Komisioni të ri për ta rinegociuar marrëveshjen.