Lansohet projekti ‘Rinia, Punësimi dhe Aftësimi Profesional në Kosovë’

10.11.2017 09:50
Lansohet projekti ‘Rinia, Punësimi dhe Aftësimi Profesional në Kosovë’

Ministri i Punës dhe Mirëqenies Sociale Skender Reçica, Ministri i Arsimit, Shkencës dhe Teknologjisë (MAShT), Shyqiri Bytyqi, zyrtarisht do të lansojnë projektin “Rinia, Punësimi dhe Aftësimi & Arsimi Profesional në Kosovë“ të financuar nga Ministria e Federatës Gjermane për Bashkëpunim Ekonomik dhe Zhvillim (BMZ), nga Ambasada Gjermane dhe nga Deutsche Gesellschaft für Internationale Zusammenarbeit – GIZ GmbH, raporton ekonomia-ks.

Ceremonia e nënshkrimit të marrëveshjes së implementimit në mes palëve, mbahet sot në lokalet GIZ-it.

Baza e kësaj marrëveshje, respektivisht qëllimi i Programit YES, është të përmirësojë punësimin e të rinjve në Kosovë.

Fjalën e rastit do ta kenë Ministri i MPMS-së Skender Reçica, Ministri i Arsimit, Shkencës dhe Teknologjisë (MASHT) Shyqiri Bytyqi, Sekretarja e Parë dhe Kryesuesja e Zhvillimit dhe Bashkëpunimit të Ambasadës Gjermane, Znj. Anja Becky dhe Drejtori i GIZ James Macbeth Forbes.