Lajme të këqija për Arlind Ajetin te Torino

10.09.2016 19:39

Sipas mediave italiane, qendërmbrojtësit kosovar Arlind Ajeti do t’i duhen edhe dy javë për t’u rikthyer në fushë.

Lajme të këqija për Arlind Ajetin te Torino

22-vjeçari i lindur në Bazel e nisi mbarë aventurën me Torinon, duke shkëlqyer në miqësoret e para përgatitore. Por pikërisht në momentin më të mirë ai pësoi një tërheqje muskulore që e la jashtë ndeshjes së parë të kampionatit ndaj Milanit.

Sikur të mos mjaftonte ky problem, lojtari u gjend në një situatë të vështirë në ditët e fundit të merkatos, kur ishte pranë largimit nga klubi “Granata”, shkruan “Panorama Sport”.

Gjithsesi mbrojtësi i kombëtares kuqezi mbeti në Torino dhe sapo të vërë sërish këmbën në fushë i duhet të bindë trajnerin Mihajloviç t’i bëjë një vend titullari në qendër të prapavijës. /Insajderi.com