Aktori Kushtrim Hoxha nesër mbrëma do të paraqitet me disa skena në serialin “The Americans”.
Hoxha, i cili prej kohësh po bën karrierë në Amerikë, do të jetë nesër mbrëma në disa skena të serialit i cili transmetohet në FX Channel, me fillim prej orës 22:00, shkruan KultPlus.
Bëhet fjalë për episodin e tretë – “The Midges”, ku Hoxha ka pjesën e tij.
“The Americans” ka nisur transmetimin në vitin 2013-të ndërsa vitin e kaluar ka nënshkruar edhe për sezonin e pestë dhe të gjashtë. Seriali flet mbi Luftën e Ftohtë të viteve 1980-të, ku një çift oficerë në KGB jetojnë në Virgjinia bashkë me fëmijën e tyre.
Hoxha ka luajtur edhe në disa seriale tjera amerikane, si “Blue Blood”, “ Person of Interest” dhe “Elementary”.
Ndërkohë ai është edhe duke kryer studimet e masterit për aktrim në Univestietin e San Diegos në Kaliforni dhe është i punësuar në teatrin “The Old Globe” në San Diego.