Kryetari i Lëvizjes Vetëvendosje, Albin Kurti e ka quajtur lajm të tmerrshëm emërimin e Nijazi Thaçit për ushtrues detyre të drejtorit të KEK-ut.
Kurti në konferencën për media tha se në kohën sa Thaçi ka qenë në pozitën e udhëheqësit me prokurimin në KEK, përfitues më të mëdhenj të kontratave kanë qenë kompanitë serbe.
“Nga mbrëmë, mund të themi se është thelluar krimi i organizuar në Kosovë” në epiqendër të të cilit, sipas Kurtit është presidenti Thaçi në aspektin ekonomik.
