Kryetari i komunës së Vitisë, Sokol Haliti në vitin 2014, kishte marrë çmimin “Misionar paqeje”, nga një organizatë me seli në Shqipëri, e dyshimtë për shitje të titujve në emër të Organizatës së Kombeve të Bashkuara (OKB).
Pikërisht nga kjo organizatë në muajin maj të vitit 2014, Haliti mori çmimin “Misionar paqeje”.
Sipas emisionit protagonist i këtij skandalit është kryetari i orgnizatës Shefki Hysa, i cili ka lëshuar tituj si “Diplomat i OKB”, “Konsull Nderi i OKB” e “Misionar i Paqes i OKB”.
Këta tituj sipas gazetarëve të emisionit jepeshin në shkëmbim të 7 mijë eurove duke i pajisur me një kartë diplomatike “fallso” të OKB e një targë makine diplomatike “fallso” nën premtimet e lehtësirave administrative në kufij doganorë e policorë.
Në ceremonin që ishte organizuar për kryetarin Haliti kishte marrë pjesë edhe Isa Mustafa në atëkohë në cilësinë e kryetarit të Lidhjes Demokratike të Kosovës, ndërsa kryetari i organizatës Shefki Hysa pati thënë se këtë diplomë nderi e meritojnë zakonisht njerëzit që punojnë nga vendet më të vështira të botës për të sjellë paqe.
Ndërsa vet Sokol Haliti, e pati quajtur privilegj marrjen e këtij çmimi.
“Për persporitet dhe paqe nevojitet angazhim dhe lobim përndryshe idetë mbesin vetëm ide, mbesin ëndrra nostalgjik idilike po nuk u përqafuan nga njerëz energjik e me shpirt aksioni”, pati cituar fjalët e Richard Holbrooke, kryetari Haliti.
Insajderi ka kontaktuar me kryetarin Haliti, i cili ka deklaruar se nuk ka paguar për të marrë këtë çmim.
“Jo nuk diskutohet ajo temë. Sa i përket meje absolut nuk kam paguar për ta marrë, ajo është propozim që ata [organizata] ma kanë bë më kanë ndarë çmim edhe kaq. Sen s`kam të bëjë unë me atë punë”, tha Haliti. /Insajderi.com
