Partia në pushtet në Zimbabve është kritikuar për organizimin e një ahengu të kushtueshëm për ditëlindjen e 92-të presidentit Robert Mugabe, deri sa shumica e popullsisë përballet me mungesë serioze të ushqimit.
Siç raportohet, ahengu ka kushtuar rreth 800 mijë dollar, raporton BBC.
Partia opozitare, Lëvizja Demokratike për Ndryshim (Movement for Democratic Change) e ka quajtur këtë festim si “neveritës.”
Presidenti Mugabe dominon në skenën politike në Zimbave që nga shpallja e pavarësisë nga Britania e Madhe në vitin 1980.
Qeveria e vendit ka thënë muajin e kaluar se rreth tre milion njerëz kanë mungesë të ushqimit derisa ka kërkuar rreth 1.6 miliard euro si ndihmë.
Përfaqësues të opozitës kanë thënë se partia e presidentit duhet të ndjehet e turpëruar që ka organizuar një festim të tillë “deri sa mbi 90% e popullsisë janë duke u përballur me varfëri”./Insajderi.com
