Shkencëtarët në Kolegjin Imperial në Londër kanë bashkëpunuar me kompaninë bioteknologjike DNA Electronics për të zhvilluar një USB që është e aftë të gjurmojë sëmundjen HIV, për të njëjtën kohë si të një testi standard.
Pajisjes i duhet vetëm një pikë gjaku për të funksionuar, duke llogaritur nivelet e HIV-1, duke ndryshuar aciditetin dhe transmetuar rezultatet si një sinjal elektrik që mund të dërgohet në një kompjuter apo pajisje mobile.
I gjithë procesi ndodh në më pak se gjysmë ore (me shumicën e testeve që marrin një kohë mesatare prej 21 minutash), se sa pritja prej shumë ditësh dhe kërkesat e laboratorit për testet e tjera, shkruan PcWorld.
Testi në formën e tanishme duket të jetë i dobishëm më shumë për pacientët të cilët e dinë që kanë virusin, sesa të funksionojë si një detektim për herë të parë, një funksion që tashmë kryhet nga një numër mjetesh.
Prezenca e një teknologjie të tillë mund të lejojë pacientët të monitorojnë nivelet e HIV në shtëpi në të njëjtën mënyrë siç bëjnë diabetikët me sheqerin në gjak.
