Kosovari aksidentohet duke dashur t’i ikë policisë në Zvicër

07.08.2017 00:13
Kosovari aksidentohet duke dashur t’i ikë policisë në Zvicër

Natën e mbrëmshme, kur një patrullë policore deshi të kontrollonte një shofer në Mellingen të Katonit Aargau, ai iu shmang asaj dhe në përpjekje për të ikur, bëri aksident, shkruan aargauerzeitung.ch. Më vonë u sqarua edhe arsyeja e ikjes së tij: i riu 24 vjeçar me shtetësi kosovare, nuk kishte patentë shoferi.

Në ikje e sipër ai ka prekur dy makina të parkuara dhe pastaj ka humbur kontrollin mbi makinën e tij VW duke e ngarë drejt një gardhi, ku policia arriti ta ndalonte, transmeton albinfo.ch.

Më vonë, pas kontrollimit të bërë u konstatua se ai nuk kishte fare leje për të ngarë veturën, la njoftuar policia e Kantonit të Aargaut.

Për të kuptuar nëse ai ka qenë nën ndikimin e drogës ose alkoolit, policia ka caktuar një provë të gjakut dhe të urinës. Ndaj të riut do të ngrihet padia në Prokurorinë Publike në Baden.