Kosova i nis mbarë kualifikimet e Botërorit “Rusi 2018”

05.09.2016 22:36

Përfaqësuesja e Kosovës në futboll ka arritur të marrë një barazim nga udhëtimi në Finlandë, në ndeshjen e parë zyrtare të Kosovës në garat e organizuara nga FIFA.

Kosova i nis mbarë kualifikimet e Botërorit “Rusi 2018”

Finlanda e nisi më mirë takimin duke kaluar në epërsi në minutën e 18 përmes Arajuurit, i cili shënoi pas një krosimi nga Lam.

Përkundër rasteve të krijuara Kosova nuk arriti që të barazojë shifrat në pjesën e parë, gjë që e bëri në pjesën e dytë.

Golin historik për Kosovën e shënoi mesfushori Valon Berisha nga pika e bardhë në minutën e 60, pas një penalltie të fituar nga Bernard Berisha.

[dailymotion id=”x4rzwkv”]

Përveç Finlandës, Kosova ndodhet në grup edhe me Islandën, Kroacinë, Turqinë dhe Ukrainën./Insajderi.com