Kosova merr pjesë në Kongresin Ndërkombëtar të Arkivave në Kore të Jugut

08.09.2016 12:43
Kosova merr pjesë në Kongresin Ndërkombëtar të Arkivave në Kore të Jugut

Përfaqësues të Agjencisë Shtetërore të Arkivave të Kosovës po marrin pjesë në Kongresi Ndërkombëtar i Arkivave që po mbahet në Seul të Kores së Jugut.

Ky kongres, që mbahet çdo katër vjet, ka filluar me 5 e do të përfundoj me 10 shtator, është një ngjarje e veçantë ndërkombëtar për arkivat dhe menaxhimin e dokumenteve dhe shënimeve në mbarë botën.

Agjencia e Arkivave të Kosovës njofton se vendi ynë përfaqësohet nga Ramë Manaj, kryeshefi ekzekutiv i Agjencisë Shtetërore të Arkivave dhe Shpresa Mekaj, drejtoreshë e Departamentit për Politika Zhvillimore të këtij institucioni.

Sipas njoftimit tema kryesore e këtij viti është “Arkivat, harmonia dhe miqësia: Sigurimi i ndjeshmërisë kulturore, drejtësisë dhe bashkëpunimit në një botë të globalizuar”.

“Sesionet e Kongresit do të shqyrtojnë temat që ndërlidhen me ruajtjen e të dhënave në epokën digjitale, bashkëpunimin arkivor, përdorimin e të dhënave dhe arkivave në sistemin e drejtësisë, harmoninë në mes të kulturave dhe shoqërive arkivore, etj”.

Kosova, prej vitit 2004 është anëtare e Këshillit Ndërkombëtar të Arkivave në kategorinë A. /Insajderi.com