Rruga nga Shkoza në Dragobil u asfaltua në vitin 2009. Për shtrimin e saj prej katër kilometrave atë vit kishin dhënë para edhe banorët e fshatit Shkozë.
Por 40 mijë eurot e mbledhura nga ta nuk ishin përdorur për projektin në fjalë pasi që atë në tërësi e kishte financuar Qeveria nga Prishtina, njofton Klan Kosova.
Mjetet e pashfrytëzuara nuk iu kthyen asnjëherë komunitetit, e madje ata nuk dinë se ku përfunduan ato.
Këta pas realizimit të projektit kishin kërkuar përgjigje nga Ministria e Infrastrukturës se çka ishte bërë me parat e tyre.
Isni Kilaj, që atë kohë ka qenë kryetar i Malishevës, tash zëvëndësministër i Financave nga radhët e PDK-së, ka thënë të mos e shqetësojnë për këtë çështje ndërsa zëdhënësi i komunës tha se paratë janë shpenzuar për projekte të tjera.
