Kandidati i Listës Serbe për kryetar të Komunës së Kllokotit Strahinja Spasiq fitoi 1 mijë e 30 vota në raundin e dytë të zgjedhjeve lokale, pas numërimit të të gjitha votave – duke mos përfshirë ato me kusht.
E kundërkandidati i Spasiq, Bozhidar Dejanoviq nga Iniciativa Qytetare “Kllokot – Vërbovc”, fitoi vetëm dhjetë vota më pak (1.020), raporton Insajderi.
E fituesi i garës për kryetar të Komunës së Kllokotit do të vendoset tek pas numërimit të votave me kusht, edhe pse në këtë komunë janë vetëm 17 vota me kusht.
Numërimi i votave me kusht pritet të fillojë brenda kësaj jave, ka njoftuar KQZ.
