Komisioni i ri do të sjellë vlerësim real për demarkacionin

10.11.2017 09:32
Komisioni i ri do të sjellë vlerësim real për demarkacionin

Nënkryetari i Aleancës për Ardhmërinë e Kosovës (AAK), Ahmet Isufi, ka vlerësuar se qeveria e udhëhequr nga Haradinaj ka përcaktuar një dinamikë të re të shtetit të Kosovës.

Në këtë intervistë dhënë për gazetën “Epoka e re”, ai ka paralajmëruar se në ditët në vazhdim do të ketë angazhim edhe më të madh për zhvillim ekonomik dhe për ngritje të mirëqenies së qytetarëve.

Isufi ka bërë me dije se kjo qeveri së shpejti do ta zgjidhë çështjen e demarkacionit me Malin e Zi.

Sipas tij, komisioni i ri do të sjellë vlerësim real për procesin e demarkacionit. Në këtë intervistë Isufi ka folur edhe për raundin e dytë të zgjedhjeve, duke thënë se AAK-ja synon fitore në gjashtë komuna.

Ai ka treguar se aktualisht AAK-ja është duke negociuar për arritjen e koalicionit me LDK-në në Prishtinë.