Ahmet Hasi nënkolonel në Policinë rajonale të Gjakovës sot në konferncë për media ka dhënë një deklaratë skandaloze në lidhje me vrasjen e Valbona Marku – Nrecaj.
Sipas Hasit, viktima nuk ka kërkuar urdhër – mbrojte mirëpo vetëm ka lajmëruar se është kërcënuar për një mesazhi në telefon, shkruan Insajderi.
“Në orën 15:00 ankuesja, tani viktimë, bashkë me vëllezërit ka hapur rast ‘kanosje’, pasi ka njoftuar se me sms është kërcënuar nga bashkëshorti. Hetuesit e kanë kërkuar personin në fjalë, përfshirë edhe në shtëpinë e tij në fshatin Bitesh. Disa herë është provuar të kontaktohet edhe përmes telefonit. Me rastin e paraqitur me 7 gusht, viktima nuk ka kërkuar mbrojtje as strehim, derisa është hapur vetëm rast kanosje për sms-të”, ka thënë Hasi.
Tutje, Hasi në kronologji ka treguar për njoftimin për vrasje që ka marrë policia të martën rreth orës 21:00, arrestimin e të dyshuarit dhe konfiskimin e armës.
Ai ka thënë se është duke u hetuar rasti bashkë me Prokurorinë e Shtetit dhe se është njoftuar edhe inspektorati policor për të gjitha veprimet.
Por vëllau i së ndjerës Shkelzen Marku, e ka fajësuar shtetin se nuk ia mbrojti motrën nga Pjetër Nrecaj, pavarësisht se ajo kishte lajmëruar kërcënimet në polici.
Marku ka thënë se disa herë e kanë njoftuar Policinë se Pjetër Nrecaj sillej me armë dhe kërcënime po Policia e shteti nuk kanë reaguar.
“Shteti ka dështuar t’i ofrojë ndihmë motrës sime, veç se ishte shtetase e Shqipërisë”./Insajderi.com
