Policisë i është dashur që të hapë një rast të vjedhjes në Kishnicë të Graçanicës. Dikush ka vjedhur topat e klubit Hajvalia dhe disa kompjuterë e pajisje tjera.
Futbollistët e Hajvalisë kanë shprehur shqetësimin se nuk do të kenë as stërvitjet se si t’i zhvillojnë.
“Dikun i kemi pas rreth 13 topave ndërsa tash siç edhe po shihet nuk kemi asnjë”, thotë njëri prej futbollistëve të Hajvalisë për Klan Kosovën.
Ndërkaq, futbollisti tjetër, thotë se nuk e di se si do t’i zhvillojnë stërvitjet kur tashmë kanë mbetur pa topa dhe pa fanella.
“Nuk kemi as me çka të nxehemi, kemi mbetur edhe pa topa nuk e di si do t’ia bëjmë”, thotë futbollisti Gashi.
