Kërkesa e Vuçiqit ndaj Sekretarit të NATO-s për Kosovën

15.11.2017 21:52
Kërkesa e Vuçiqit ndaj Sekretarit të NATO-s për Kosovën

Presidenti i Serbisë, Aleksandar Vuçiq, në takimin e sotëm me Sekretarin Gjeneral të NATO-s, Jens Stoltenberg, në Bruksel, ka kërkuar që forcat e NATO-s të vazhdojnë të qëndrojnë në Kosovë.

“Kam lutur Sekretarin e NATO-s, Stoltenberg, që jo vetëm të mos tërhiqen forcat e NATO-s, por edhe të mos ndryshojë strukturën e saj në Kosovë”, deklaroi Vuçiq para gazetarëve, së bashku me Sekretarin e NATO-s, Stoltenberg.

Tutje, Vuçiq theksoi se me Sekretarin e NATO-s, Stoltenberg, ka biseduar edhe për rolin e ushtrisë serbe në rajon, duke vënë theksin se “me xhelozi ruajmë funksionin neutral të forcave tona”, njoftojnë mediat serbe.

Ndër të tjera ai theksoi se ka falënderuar Sekretarin e NATO-s, Stoltenberg, për rolin e NATO-s për ruajtjen e paqes e stabilitetit në Kosovë.

“Serbia ka interes të shumëfishtë nga bashkëpunimi me forcat e NATO-s”, deklaroi ndër të tjera kryetari i Serbisë, Vuçiq.